Սովորիր
«Ֆինտեք Էթիկա» դասընթաց
«Ֆինտեք Էթիկա»-ն OurExchangeClub- ի կրթական ուղղությունն է, որը ստեղծվել է ֆինտեքի, կրիպտոակտիվների, բլոկչեյն տեխնոլոգիայի, Web3-ի և թվային ֆինանսների մասին պարզ, գործնական և կիրառելի գիտելիք փոխանցելու նպատակով։
Ինչպես ողջ աշարհում, ՀՀ-ում նույնպես կրիպտոակտիվների ոլորտը թևակոխել է կարգավորման նոր փուլ։ «Կրիպտոակտիվների մասին» ՀՀ օրենքի ընդունմամբ և հարակից օրենսդրական փոփոխությունների արդյունքում ձևավորվում է նոր միջավայր, որտեղ կարևոր են շուկայի թափանցիկությունը, հաճախորդների շահերի պաշտպանությունը, ռիսկերի ճիշտ գնահատումը և ֆինանսական համակարգի հետ պատասխանատու փոխգործակցությունը։
Դասընթացի հեղինակն է նորարարական ոլորտի գործարար, OurExchangeClub-ի համահիմնադիր, «Կրիպտոտնտեսվարողների միություն» ՀԿ-ի համահիմնադիր և խորհրդի անդամ, բիզնես խոսնակ Ավետիս Վարոսյանը։
«Ֆինտեք Էթիկա»-ն ձևավորվել է տարիների գործնական փորձի, կիրառելի օրինակների, ֆինանսական շուկաների փոփոխությունների և կրիպտոակտիվների ոլորտում կուտակված գիտելիքի հիման վրա»։
+0
Շրջանավարտ
-
Երևան
11-12.08.23թ.
-
Գյումրի
22-23.09.23թ.
-
Իջևան
07-08.11.23թ.
-
Գավառ
12-13.12.23թ.
-
Գորիս
12-13.02.24թ.
-
ՀՀ ՆԳՆ կրթահամալիր
12-13.02.24թ.
Ո՞ւմ համար է դասընթացը
«Ֆինտեք Էթիկա 1-3»-ն նախատեսված է մի քանի հիմնական խմբերի համար։
Սկսնակների և հետաքրքրվողների համար
Եթե ցանկանում եք հասկանալ՝ ի՞նչ է կրիպտոակտիվը, ինչպե՞ս է աշխատում բլոկչեյնը, ի՞նչ է կրիպտոպանակը, ի՞նչ են սթեյբլքոյինները, ի՞նչ ռիսկեր կան և ինչպե՞ս անվտանգ մոտենալ թվային ակտիվներին, այս դասընթացը տալիս է անհրաժեշտ հիմքը՝ առանց բարդ մասնագիտական լեզվի։
Բիզնեսի և ձեռնարկատերերի համար
Դասընթացը օգտակար է այն ընկերությունների և գործարարների համար, ովքեր ցանկանում են հասկանալ թվային ակտիվների կիրառությունը, Web3-ի հնարավորությունները, վճարային նոր լուծումները, միջազգային փոխանցումների տրամաբանությունը և բիզնես գործընթացներում կրիպտոակտիվների հետ առնչվող ռիսկերը։
Նոտարների և իրավական ոլորտի մասնագետների համար
«Ֆինտեք Էթիկա 4․ Կրիպտոակտիվները նոտարական պրակտիկայում» դասընթացը նախատեսված է նոտարների և իրավական ոլորտի մասնագետների համար, ովքեր իրենց աշխատանքում կարող են հանդիպել իրավիճակների, երբ գործարքի ֆինանսավորման աղբյուրը ձևավորվել է կրիպտոակտիվների վաճառքից, կողմը ներկայացնում է բլոկչեյն գործարքի տվյալներ, ժառանգական զանգվածում առկա են կրիպտոպանակներ կամ թվային ակտիվներ, կամ լիազորագրի առարկան վերաբերում է կրիպտոակտիվների կառավարմանը։ Այս ծրագիրը օգնում է հասկանալ կրիպտոակտիվների իրավական, գործարքային, ապացուցողական և փողերի լվացման ռիսկերը՝ հատկապես անշարժ գույքի գործարքների, ժառանգության, լիազորագրերի, ընկերությունների բաժնեմասերի, իրական շահառուների բացահայտման և միջոցների ծագման գնահատման համատեքստում։
Բանկերի և ֆինանսական կազմակերպությունների համար
«Ֆինտեք Էթիկա 5․ Կրիպտոաշխարհից դեպի բանկային նոր իրականություն» ծրագիրը նախատեսված է հաճախորդների սպասարկման, մասնաճյուղային ցանցի, կորպորատիվ և մանրածախ բանկինգի, փողերի լվացման և ահաբեկչության ֆինանսավորման դեմ պայքարի, համապատասխանության վերահսկողության, ռիսկերի կառավարման, իրավաբանական, ներքին վերահսկողության, աուդիտի, գործարքների մշտադիտարկման, վճարային քարտերի և թվային ծառայությունների ստորաբաժանումների համար։ Այս ծրագրի նպատակն է օգնել ֆինանսական կազմակերպությունների աշխատակիցներին տարբերակել սովորական թվային գործարքը բարձր ռիսկային կամ կասկածելի վարքագծից, հասկանալ բլոկչեյն գործարքների տրամաբանությունը, գնահատել կրիպտոոլորտի հետ առնչվող հաճախորդների ռիսկայնությունը և ճիշտ կողմնորոշվել հաճախորդի նույնականացման, փողերի լվացման և ահաբեկչության ֆինանսավորման դեմ պայքարի, պատժամիջոցների ստուգման և փոխանցումների կանոնի պահանջների շրջանակում։
Ի՞նչ թեմաներ են ներառվում
Դասընթացների թեմաները կարող են տարբեր լինել՝ կախված լսարանից և ձևաչափից, սակայն հիմնական ուղղությունները ներառում են՝
Ֆինտեքի, Web3-ի և թվային ֆինանսների զարգացում
Բլոկչեյն տեխնոլոգիայի հիմունքներ
Կրիպտոակտիվների տեսակներ՝ կրիպտոարժույթներ, թոքեններ, stablecoin-ներ, NFT-ներ և թվայնացված ակտիվներ
Խելացի պայմանագրեր, DeFi և ապակենտրոնացված ֆինանսներ
Կրիպտոպանակներ, գաղտնի բանալի, պահառություն և դրամապանակի սեփականության հաստատում
Վիրտուալ ակտիվներով ծառայություններ մատուցողներ (VASP / CASP) ծառայություններ մատուցողների բիզնես մոդելներ
ՀՀ նոր օրենսդրական կարգավորումներ և ԿԲ վերահսկողական պահանջներ
Հաճախորդի նույնականացում (KYC), փողերի լվացման և ահաբեկչության ֆինանսավորման դեմ պայքար (AML/CFT), պատժամիջոցների ստուգում և «Travel Rule» պահանջ
Կասկածելի գործարքների նախազգուշացնող նշաններ
Հաճախորդների ռիսկերի գնահատում
Սթեյբլքոյինների կիրառություն և վճարային ենթակառուցվածքներում դրանց դերը
Գործնական դեպքերի քննարկում և իրավիճակային վերլուծություն
Գրանցվեք «Ֆինտեք Էթիկա» դասընթացին՝ թողնելով ձեր տվյալները, և մենք ձեզ նամակով կտեղեկացնենք առաջիկա հոսքերի մասին։
Դասընթացի ձևաչափը
«Ֆինտեք Էթիկա»-ն արագացված, գործնական և կիրառական դասընթաց է։ Ծրագիրը կառուցված է այնպես, որ մասնակիցները ստանան ոչ միայն տեսական պատկերացում, այլև կարողանան գիտելիքը կիրառել իրական իրավիճակներում՝ իրենց աշխատանքի, բիզնեսի կամ անձնական որոշումների շրջանակում։
Կորպորատիվ խմբերի համար դասընթացը կարող է կազմակերպվել փակ ձևաչափով՝ ըստ կազմակերպության կարիքների, մասնակիցների մասնագիտական ուղղվածության և անհրաժեշտ խորության։ Բանկերի, ֆինանսական կազմակերպությունների և մասնագիտական կառույցների համար առկա է թեմատիկ ծրագիր, որը ներառում է նաև գործնական քննարկումներ, դեպքերի ուսումնասիրություն, ամփոփիչ աշխատանք և մասնակցության հավաստագրեր։